الحاجة ام الاختراع دائما

من فترة كبيرة مكتبتش اى حاجة فى المدونة وانهاردة بالاخص مريت بتجربة جميلة جدا واستفدت فيها بمعلومات ممتازة

اعلان

زى مانتوا عارفين طبعا ان الصعيد عندنا بيكون حر جدا والجو مقرف جدا فى الصيف وبدون تكييف الحياة مستحيلة و دة سبب من الاسباب اللى خلتنى اسال نفسى والكمبيوتر ياترى هل ينفع اعمل تكييف بتكلفة بسيطة بدلا من انى اشترية بمبلغ ضخم انا لا امتلكة !

والاجابة كانت ممتازة من خلال يوتيوب لاني لقيت علية شرح عمل تكييف بخطوات بسيطة جدا وقررت ابتدى التنفيذ .

بداءت بجمع الادوات المطلوبة والبحث عن بدائل لما هو غير متوفر ونزلت اشتريت الباقي

بداءت اشتغل على التنفيذ لحد اما انتهيت من التكييف ووصلت لمرحلة التشغيل

واشتغل التكييف والحمد لله وقفلت باب اوضتى وقلت خليها بقى تتجمد وارجعلها بعد شوية

ورجعت بعد ساعة ولسة الوضع زى ما هوا

كمان ساعة تانى ولسة برضة مازالت

قلت اكيد في مشكلة تقنية فى التكييف وبعدين دة جديد

روحت طالع على الضمان …
قصدي على السرير ومسكت المراوح بتاعت التكييف وفضلت افكر .

ثلاث مراوح كمبيوتر وشغالين على محول بيخرج لهم 12 فولت كهرباء وانا محتاجهم يكونوا اسرع من كدة اعمل اية ؟

ارفع الفولتات من المحول ؟ مينفعش اخرة 12 فولت

خلاص يبقى نستخدم كهرباء مباشرة بدون محولات !

وبالفعل فكيت المراوح من المحول ووصلتهم على الكهرباء مباشرة وبمجرد ما حطيت الفيشة

الكهرباء ضربت

رجعت النور تانى وقلت بلاش تخريب وشغله زى ما كان على المحول ابو 12 فولت اهو احسن من البلاش

ولكن اتضح ان المراوح اتحرقت كلها والتكييف اصبح شى من الماضي واخد اسم اختراع فاشل

فيديو للشكل النهائي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

الحاجة ام الاختراع دائما

من فترة كبيرة مكتبتش اى حاجة فى المدونة وانهاردة بالاخص مريت بتجربة جميلة جدا واستفدت فيها…